پوپ فرانس کل دبئی پہنچیں گے، شاندار استقبال کے لیے تیاریاں مکمل

کیتھولک مسیحیوں کے روحانی پیشوا پوپ فرانسس کل خلیجی ریاست متحدہ عرب امارات پہنچیں گے، استقبال کے لیے تیاریاں مکمل کرلی گئیں۔

تفصیلات کے مطابق حکام نے پوپ فرانس کی آمد کے پیش نظر تیاریاں مکمل کرلیں، ریڈ کارپیٹ پر ان کا پرتپاک استقبال ہوگا، پوپ ابوظہبی میں ایک کانفرنس میں بھی شرکت کریں گے۔

غیر ملکی خبر رساں ادارے کا کہنا ہے کہ پوپ فرانس کے لیے متحدہ عرب امارات کا یہ پہلا دورہ ہوگا، وہ مذاہب کے مابین مکالمت کی ایک تین روزہ بین الاقوامی کانفرنس میں شرکت کریں گے۔

دورے کے دوران پوپ فرانس مصروف دن گزاریں گے اور اہم رہنماؤں سے ملاقاتیں کریں گے، وہ ابوظہبی میں ایک دعائیہ تقریب میں بھی شریک ہوں گے۔

خیال رہے کہ دو روز قبل اماراتی عوام کے لیے پوپ فرانسس نے اپنے پیغام میں کہا تھا کہ ہم اگر چہ مختلف ہیں لیکن ہم بھائی بھائی ہیں، مجھے خوشی ہے کہ میں آپ کی سرزمین پر مذاکرات کے دوران تعلقات کا ایک نیا باب رقم کرنا چاہتا ہوں۔

ان کا یہ بھی کہنا تھا کہ متحدہ عرب امارات کی سرزمین مختلف تہذیبوں اور ثقافتوں کے ملاپ کا ایک نمونہ ہے جہاں غیر ملکیوں کو کام کے لیے ایک محفوظ جگہ مل جاتی ہے اور وہ آزادانہ رہ سکتے ہیں۔

واضح رہے کہ متحدہ عرب امارات کی 80 فیصد آبادی مسلم ہے جبکہ عیسائی مذہب سے تعلق رکھنے والے 9 فیصد ہیں، مختلف ممالک سے تعلق رکھنے والے مسیحی تارکین وطن یو اے ای میں بطور ورکر کام کررہے ہیں۔

Email This Post

آپ یہ بھی پسند کریں گے مصنف سے زیادہ

11,349 تبصرے