تھائی لینڈ آسمان پر قوس و قزح کے رنگ بکھر گئے

تھائی لینڈ میں ہاٹ ائیربیلون فیسٹیول نے آسمان پر قوس و قزح کے رنگ بکھیر دئیے، دلکش ڈیزائن کے رنگین غباروں نے فضا کو دلکش بنا دیا۔ تفصیلات کے مطابق تھائی لینڈ میں ہاٹ ائیربیلون فیسٹیول نے دیکھنے والوں کو حیران کردیا۔ ہر طرف دیدہ زیب رنگ کے غباروں نے سماں باندھ دیا۔ ایڈونچر کے شوقین افراد نے اپنے ہاتھوں سے غبارے سجا کر آسمان کی بلندی پر سفر کرکے نہ صرف سرسبز علاقے کی سیر کرتے رہے، بلکہ اس خوبصورت منظر کو کیمرے کی آنکھ میں محفوظ کر کے خوب محظوظ ہوئے۔ فیسٹیول میں جہاں درجنوں خوبصورت اور دلکشڈیزائن کے غباروں نے آسمان کو سجایا وہیں دوسری جانب ہزاروں سیاحوں کی آمد نے بھی رونقیں بڑھا دیں۔ بڑے تو بڑے بچے بھی اس فیسٹیول میں خوب محظوظ ہوئے، سیفلی کے شوقین افراد نے خوب سیلفیاں بنائیں اور یادگار لمحوں کو کیمرے کی آنکھ سے قید کیا۔ رنگ برنگے دیوہیکل غباروں سے آسمان کو سجانے کے لیے یہ فیسٹیول ہر سال تھائی لینڈ میں منعقد کیا جاتا ہے جہاں دنیا بھر سے آئے افراد خوب لطف اندوز ہوتے ہیں۔ علاوہ ازیں اٹلی میں بھی سالانہ ہاٹ ائیر بیلون فیسٹیول کا انعقاد کیا جاتا ہے، تین روز پر مشتمل اس بیلون فیسٹیول میں دنیا بھر سے کئی ماہر کھلاڑی شرکت کرتے ہیں۔

Email This Post

آپ یہ بھی پسند کریں گے مصنف سے زیادہ

تبصرے بند ہیں.