پری سیزن کیمپ، پی سی بی نے 20 کھلاڑیوں کو این سی اے طلب کرلیا

 پری سیزن کیمپ کے لیے پاکستان کرکٹ بورڈ نے 20 کھلاڑیوں کو این سی اے طلب کرلیا۔

تفصیلات کے مطابق پی سی بی نے پری سیزن کیمپ کے لیے 20 کھلاڑیوں کو این سی اے طلب کیا ہے، سینٹرل کنٹریکٹ میں شامل 14 کرکٹرز سمیت 20 کھلاڑی طلب کیے گئے ہیں۔

پی سی بی کے مطابق کھلاڑی 19 اگست کو این سی اے میں رپورٹ کریں گے، فٹنس ٹیسٹ کے بعد کھلاڑی 7 ستمبر تک کنڈیشننگ کیمپ میں شرکت کریں گے۔

قومی کرکٹ ٹیم کے سابق کپتان مصباح الحق کیمپ کمانڈنٹ ہوں گے، اظہر علی انگلش کاؤنٹی سمر سیٹ سے معاہدہ مکمل کرنے کے بعد کیمپ جوائن کریں گے۔

پی سی بی کے مطابق بابراعظم، فخر زمان، عماد وسیم، محمد عباس، محمد عامر کو کاؤنٹی کرکٹ کھیلنے کے باعث کیمپ میں شرکت سے چھوٹ دی گئی ہے۔

پری سیزن کیمپ میں اوپنر عابد علی، اسد شفیق، اظہر علی، حارث سہیل، فاسٹ بولر حسن علی، امام الحق، محمد رضوان کوطلب کیا گیا ہے۔

قومی کرکٹ ٹیم کے کپتان سرفراز احمد، شاداب خان، شاہین شاہ آفریدی، شان مسعود، عثمان شواری، وہاب ریاض، یاسر شاہ کو بھی پری سیزن کیمپ کے لیے این سی اے طلب کیا گیا ہے۔

رپورٹ کے مطابق آصف علی، بلال آصف، افتخار احمد، میر حمزہ، راحت علی اور ظفر گوہر بھی 19 اگست کو این سی اے میں رپورٹ کریں گے۔

ذاکر خان نے کہا ہے کہ کیمپ میں ٹیسٹ کی تیاری کے لیے خصوصی توجہ دی جائے گی، ٹیسٹ کی تیاری کے لیے مصباح الحق کا تجربہ کھلاڑیوں کے لیے مفید ثابت ہوگا، پاکستان کو آئندہ 42 میں سے 30 روز ٹیسٹ کرکٹ کھیلنی ہے۔

Email This Post

آپ یہ بھی پسند کریں گے مصنف سے زیادہ

تبصرے بند ہیں.