پاکستان اپنی کوئی سیریز اب بیرون ملک نہیں کھیلے گا، پی سی بی

 پاکستان کرکٹ بورڈ (پی سی بی) کا کہنا ہے کہ پاکستان اپنی کوئی سیریز اب بیرون ملک میں نہیں کھیلے گا۔

تفصیلات کے مطابق پاکستان کرکٹ بورڈ ہوم سیریز ہوم گراؤنڈز پر کھیلنے کے فیصلے پر قائم ہے، پی سی بی کا کہنا ہے کہ بنگلہ دیش کرکٹ بورڈ کو سیریز کے شیڈول کا ابتدائی خاکہ بھجوادیا ہے۔

پی سی بی کا کہنا ہے کہ بنگلہ دیش سے سیریز میں پہلے ٹیسٹ، دوسرے مرحلے میں ٹی 20 میچز ہوں گے، بنگلہ دیش کے سیکیورٹی وفد نے تین سیریز کے لیے سیکیورٹی پلان کا جائزہ لیا ہے۔

پی سی بی کا کہنا ہے کہ ایسا ممکن نہیں کہ سیریز کا ایک حصہ پاکستان اور دوسرا باہر ہو، اب پالیسی بدلی تو پی ایس ایل اور دوسری سیریز پر منفی اثرات ہوں گے۔

واضح رہے کہ بنگلہ دیش کے خلاف 2 ٹیسٹ میچز آئی سی سی ٹیسٹ چیمپئن شپ کا حصہ ہیں، بنگلہ دیش نے دورہ نہ کیا تو اسے اپنے پوائنٹس کھونا پڑیں گے۔

یاد رہے کہ بنگلہ دیش ویمن اور انڈر 16 ٹیمیں پاکستان کا کامیاب دورہ کرچکی ہیں، پی سی بی بنگلہ دیش کرکٹ ٹیم کے دورہ پاکستان کے لیے پرامید ہے۔

خیال رہے کہ سری لنکن کرکٹ ٹیم نے ٹی ٹوینٹی سیریز اور ون ڈے سیریز پاکستان میں کھیلی تھی جبکہ پاکستان سپر لیگ کے تمام میچز بھی پاکستان میں کھیلے جائیں گے۔

Email This Post

آپ یہ بھی پسند کریں گے مصنف سے زیادہ

تبصرے بند ہیں.