سعودی ولی عہد نے پاکستان سے ثالثی کی درخواست نہیں کی ہے

 انہوں نے کہا کہ رپورٹ میں وزیراعظم عمران خان کی عالمی رہنماؤں سے کامیاب بات چیت کو کمزور کرنےکی کوشش کی گئی ہے۔ یاد رہے کہ گزشتہ ماہ وزیراعظم سعودی عرب پہنچنے کے بعد امریکہ کے لیے روانہ ہونے لگے تو سعودی ولی عہد شہزادہ محمد بن سلمان نے وزیراعظم عمران خان سے سوال کیا کہ آپ دورہ امریکہ پر کیسے جا رہے ہیں؟ جس پر وزیراعظم عمران خان نے جواب دیا کہ میں کمرشل فلائٹ کے ذریعے امریکہ روانہ ہو رہا ہوں۔سعودی ولی عہد شہزادہ محمد بن سلمان نے کہا کہ آپ ہمارے مہمان ہیں ، کمرشل فلائٹ پر امریکہ نہیں جا سکتے جس کے بعد سعودی ولی عہد نے امریکہ جانے کے لیے پاکستان کے وزیراعظم عمران خان کو اپنا ذاتی طیارہ فراہم کیا لیکن جب وزیراعظم واپس آنے لگے تو کینیڈا کی حدود سے طیارے کو واپس نیویارک لے جایا گیا اور اس حوالے سے بتایا گیا تھا کہ طیارے میں کوئی فنی خرابی آگئی ہے جس کے بعد وزیراعظم عمران خان اگلے روز کمرشل فلائٹ سے وطن روانہ ہوئے تھے۔ اس حوالے سے مقامی ہفت روزہ میگزین میں رپورٹ شائع کی گئی تھی جسے حکومت نے غلط قرار دیتے ہوئے کہا ہے کہ سعودی ولی عہد کا طیارہ کینیڈا سے نیویارک واپس نہیں بلایا گیا تھا