سام سنگ نے گلیکسی واچ ایکٹیو سمارٹ واچ، دو سمارٹ بینڈز اور گلیکسی بڈز متعارف کرا دئیے

سام سنگ نے اپنے گلیکسی ایس فلیگ شپس  گلیکسی ایس 10 فائیو جی ورژن متعارف کرا دئیے گئے ہیں ۔ ان کے ساتھ سام سنگ نے  اپنا گلیکسی فولڈ سمارٹ فون بھی متعارف کرایا ہے۔سمارٹ فونز کے ساتھ سام سنگ نے دوسرے وئیرایبلز بھی متعارف کرائے ہیں۔ سام سنگ نے جو وئیر ایبل متعارف کرائے ہیں، اُن میں ایک  نئی سمارٹ واچ، دو سمارٹ بینڈز اور ایک نیا وائرلیس گلیکسی  بڈز شامل ہیں۔سام سنگ گلیکسی واچ ایکٹیو
سام سنگ گلیکسی واچ ایکٹیو (Samsung Galaxy Watch Active) کے ڈیزائن میں گلیکسی واچ کے مقابلے میں کافی تبدیلیاں کی گئیں ہیں۔

اب اس میں گھومنے والی بیزل نہیں ہے۔ سام سنگ گلیکسی واچ ایکٹیو کی موٹائی 10.5 ایم ایم ہے۔ گلیکسی واچ کی موٹائی 12.7 ایم ایم ہے۔  اس سمارٹ واچ کا قطر 40 ملی میٹر ہے۔
اس سمارٹ واچ کا سب سے بہترین فیچر بلڈ پریشر مانیٹرنگ ہے۔ اس کے ساتھ ساتھ اس سمارٹ واچ میں دل کی دھڑکن کی رفتار مانیٹر کرنے والا سنسر بھی ہے۔ یہ سمارٹ واچ GPS/GLONASS، ایکسلرومیٹر، جیاروسکوپ اور بیرومیٹر کی مدد سے 39 سرگرمیوں کو مانیٹر کر سکتی ہے۔
گلیکسی واچ ایکٹیو 5ATM تک واٹر پروف ہے۔ یعنی آپ اسے پہن کر شاور کے نیچے یا تالاب میں نہا سکتے ہیں۔ آپ سمارٹ واچ کے رنگ کو 20 ایم ایم کے انٹرچینج ایبل بینڈز سے بدل سکتے ہیں۔
گلیکسی واچ ایکٹیو میں 1.1 انچ ایمولیڈ ڈسپلے (360 x 360px) ہے۔ اس کے ڈسپلے پر حفاظت کے لیے گوریلا گلاس 3 ہے۔  اس سمارٹ واچ میں Tizen OS 4.0 آپریٹنگ سسٹم انسٹال ہے۔ اس میں ایگزینوس 9110 چپ سیٹ کے ساتھ 768 ایم بی ریم اور 4 جی بی انٹرنل سٹوریج ہے۔
اس سمارٹ واچ میں 230 ایم اے ایچ کی بیٹری ہے۔ بیٹری کو گلیکسی ایس 10 یا دوسرے کسی Qi بیسڈ وائرلیس چارجر سے چارج کیا جا سکتا ہے۔
گلیکسی واچ ایکٹیو کی قیمت 200 ڈالر یا 250یورو ہے۔