پاکستان اور ایشیاء پیسفیک کے درمیان مذاکرات کا شیڈول طے
پاکستان اور ایف اے ٹی ایف ایشیاء پیسفیک گروپ کے درمیان مذاکرات کا شیڈول طے پا گیا، مذاکرات 26 سے 28 مارچ کو اسلام آباد میں ہوں گے۔ گروپ کو مطمئن کرنے کی صورت میں پاکستان کے لئے ایک نئے ایکشن پلان سے گزرنا پڑ سکتا ہے۔
پاکستان اور ایشیاء پیسفیک گروپ کے درمیان اسلام آباد میں ہونے والے تین روزہ مذاکرات کے ایجنڈا کے مطابق اجلاس میں دوسری میوچل ایوالیوایشن رپورٹ کے مسودے، منی لانڈرنگ اور دہشت گردوں کی مالی معاونت روکنے کے انتظامی اور قانونی اقدامات، پاکستان کی جانب سے منی لانڈرنگ اور دہشت گردوں کی مالی معاونت روکنے کے لئے اب تک کئے گئے اقدامات کی پیش رفت کا جائزہ لیا جائے گا۔
ایشیاء پیسفک گروپ کا وفد وزارت خزانہ، اسٹیٹ بینک، فنانشل مانیٹرنگ یونٹ، ایس ای سی پی، ایف بی آر، ایف آئی اے اور قانون نافذ کرنے والے اداروں سمیت دیگر متعلقہ حکام سے ملاقاتیں کرے گا۔
Email This Post
تبصرے بند ہیں.