مارول یونی ورس کی حال ہی میں ریلیز ہونے والی فلم ’کیپٹن مارول‘ نے اپنے پہلے ہی ویک اینڈ پر 455 ملین امریکی ڈالر کما کر نئے ریکارڈز قائم کردیے۔
کیپٹن مارول، مارول یونی ورس کی پہلی خاتون سپر ہیرو فلم ہے اور اس سے قبل ڈی سی کامکس کی ’ونڈر وومن‘ بھی ریلیز پر اچھا بزنس کرچکی ہے لیکن کیپٹن مارول اس سے کہیں آگے ہے۔
کیپٹن مارول سے پہلے ڈزنی کی سنہ 2017 میں ریلیز ہونے والی ’بیوٹی اینڈ دی بیسٹ‘ کسی خاتون مرکزی کردار کی سب سے زیادہ بزنس کرنے والی فلم تھی جس نے اپنے پہلے ہفتے میں 357 ملین امریکی ڈالر کا بزنس کیا تھا۔
کیپٹن مارول نے بیٹ مین ، سپر مین ، یا ایکس مین فلمز سے کہیں زیادہ بزنس کیا ہے اور اب تک صرف ایک فلم ہی اس سے آگے ہے اور وہ مارول کی ’ایونجرز ، انفینیٹی وار‘ہے جس نے اپنے پہلے ویک اینڈ پر640 ملین امریکی ڈالر کا بزنس کیا تھا۔
اس طرح سے نہ صرف کیپٹن مارول خواتین کردار پر مبنی سب سے زیادہ بزنس کرنے والی فلم بن گئی ہے بلکہ سپر ہیروز فلم کی دنیا میں سب سے زیادہ کاروبار کرنے والی یہ دوسری فلم بن گئی ہے۔
کیپٹن مارول کا مرکزی کردار بری لارسن نامی اداکارہ نے نبھایا ہے اور اس ویک اینڈ رپر وہ بہت سے تھیٹرز میں اپنے مداحوں کے ساتھ اپنی ہی فلم دیکھنے پہنچ گئی جس پر مداح خوشی سے نڈھال ہوگئے ۔
Email This Post
تبصرے بند ہیں.