بورے والا،معروف پر یمیم برانڈ’’ کھاڈی نے یوم پاکستان کے موقع پر ملتان روڈپر سٹور کا افتتاح کردیا

پاکستان کے معروف پریمیم برانڈ’’ کھاڈی ‘‘(khaadi)نے بورے والا میں بھی آج یوم پاکستان کے موقع پر ملتان روڈپر اپنے سٹور کا افتتاح کردیا،کھاڈی کی مصنوعات کی خواتین کی ایک بڑی تعداد نے خریداری کی۔

اس موقع پر کھاڈی کی ڈائریکٹر کارپوریٹ کمیونیکیشن انجم ندا رحمان نے میڈیا کے نمائندوں سے گفتگو کرتے ہوئے کہا کہ بورے والا میں کھاڈی کے نئے سٹور کا قیام صارفین کے لئے برانڈ کے فروغ کا حصہ اور جدید ورائٹی مہیا کرنا ہے اور یہاں پر سٹور کا آغاز صارفین کے اسرار پر کیا گیا ہے اس سٹور کے افتتاح سے اندرون پنجاب کے صارفین کو کھاڈی کی مصنوعات تک رسائی آسان ہوجا ئیگی ،انہوں نے مزید کہا کہ کھاڈی نے اپنے اس سفر کا آغاز بیس سال قبل کیا تھا اس وقت برانڈ ملک بھر میں اپنے سٹورز کے نیٹ ورک کو فروغ دے رہا ہے کھاڈی نے اب ایبٹ آباد کے بعد بورے والا میں اپنے نئے سٹور کا افتتاح کردیا ہے انجم ندا رحمان نے کہا کہ کھاڈی نے گذشتہ بیس سال کے دوران ملک بھر میں خوبصورت اور جدید سٹور ز رحجان کو فروغ دیا ہے اور صارفین کو شاندار رنگوں جدید فیشن اور بہترین ریٹیل کی سہولیات فراہم کی ہیں اور نئے ریٹیل رحجانات کو متعارف کروایا اس موقع پر دیگر افسران ، محمد سعد ،میڈیم پلوشہ ہلالے اور سٹور مینیجر محمد زبیر عادل بھی موجود تھے۔