معروف اداکار و ہدایت کار سر مد سلطان کھوسٹ کی سنجیدہ موضوع پر مبنی فلم ’زندگی تماشہ ‘ کا پہلا ٹریلر جاری کردیا گیا ہے ۔
فلم’منٹو‘ کی شاندار کامیابی کے بعد سرمد کھوسٹ نے معاشرے سے جڑی کہانی کا ٹریلر اپنےسوشل میڈیا اکاؤنٹس پر شیئر کیا۔
’زندگی تماشہ‘اردو اور پنجابی میں بنائی گئی ہے۔ اداکارہ سمیعہ ممتازفلم میں ’فرخندہ‘کا کردار ادا کریں گی۔
اس کے علاوہ فلم کی کاسٹ میں عارف حسن، ماڈل ایمان سلیمان اور علی قریشی شامل ہیں۔
فلم میں دو زبانیں استعمال کی گئی ہیں کچھ کردار اردو بولتے ہوئے دکھائی دیں گے جب کہ کچھ پنجابی بولیں گے۔
فلم ’زندگی تماشہ‘ کی کہانی لاہور میں مختلف افراد کی زندگی گزارنے کے فن کا آئینہ ہوگی۔
Email This Post
تبصرے بند ہیں.