وسیم اکرم اور شنیرا کی فلم میں ڈیبیو انٹری

قومی کرکٹ ٹیم کے سابق کپتان وسیم اکرم اور ان کی اہلیہ شنیرا اکرم اداکاری کے شعبے میں قسمت آزمانے کیلئے میدان میں آگئے۔وسیم اکرم کمنٹیٹر ہونے کیساتھ ساتھ متعدد اشتہارات میں بھی نظر آتے ہیں مگر اب انہوں نے اپنے مداحوں کو ڈیبیو فلم کی خوشخبری بھی سنا دی ہے۔میڈیا رپورٹ کے مطابق وسیم اکرم نے اپنی پہلی فلم سائن کرلی ہے جو فیصل قریشی کی ہدایت کاری میں بنائی جائیگی۔فلم ’منی بیک گارنٹی‘ ہدایت کار کی حیثیت سے فیصل قریشی کی بھی ڈیبیو فلم ہوگی۔میڈیا رپورٹ کے مطابق فلم میں سابق کرکٹر وسیم اکرمکا کردار چھوٹا لیکن اہم ہے۔دوسری جانب فلم میں سابق کرکٹر وسیم اکرم کی اہلیہ شنیرا اکرم خصوصی رول کی حیثیت سے شرکت کریں گی۔فلم ’منی بیک گارنٹی‘ کی کاسٹ میں ہر دل عزیز اداکار فواد خان مرکزی کردار ادا کرینگے جبکہ ان کیساتھ دیگر کاسٹ میں میکال ذوالفقار اور معروف ماڈل کرن ملک بھی ہونگی۔معاون کردار کی کاسٹ میں گوہر رشید، مانی، جاوید شیخ، حنا دلپزر اور افضل ریمبو بھی شامل ہوں گے۔فلم کی عکس بندی آئندہ ماہ سے کراچی میں شروع ہوگی جبکہ فلم کی بقیہ عکس بندی تھائی لینڈ میں کیے جانے کا بھی امکان ہے۔منی بیک گارنٹی کی زکشو فلم (کینیڈا) کی شراکت داری کے ساتھ بنائی جائے گی جو کہ ممکنہ طور پر اگلے سال ریلیز کی جائے گی۔