شمعون کی ’درج‘ ناکام اور فلم ’کاف کگنا‘ نے میلا لوٹ لیا

 ہدایت کار خلیل الرحمان کی فلم ’کاف کنگا‘ نے شمعون عباسی کی فلم ’درج‘ کو پردے پر مات دے دی۔

آدم خور بھائیوں کی غیر انسانی کارروائی پر بنائی گئی ہدایت کار شمعون عباسی کی فلم ’درج‘ مداحوں کو متاثر کرنے میں ناکام رہی لیکن ان کے مقابلے میں اسی دن ریلیز ہونے والی ہدایت کار خلیل الرحمان کی فلم ’کاف کنگنا‘ متاثر کن بزنس کرنے میں کامیاب رہی۔فلم ’درج‘ اور ’کاف کنگا‘ کی ریلیز سے قبل ہی کہا جارہا تھا کہ ایک ہی دن ریلیز ہونے کی وجہ سے ان فلموں کا بزنس متاثر ہوگا لیکن سب کو فلم ’درج‘ کا انتظار تھا کیوں کہ یہ پاکستان کی روایتی فلموں سے ہٹ کر بنائی گئی تھی تاہم مداحوں نے ’کاف کنگا‘ کو دیکھنے کو ترجیح دی۔فلم ’درج‘ باکس آفس پر 2 دن میں صرف 25 لاکھ روپے کماسکی لیکن اس کے مقابلے میں فلم ’کاف کنگا‘ 2 دن میں 39 لاکھ روپے کمانے میں کامیاب رہی۔واضح رہے فلم ’دُرج‘ کے چند متنازع سین کاٹنے کے بعد پاکستان بھر میں ریلیز کی اجازت ملی تھی جس کی وجہ سے اس کی تاریخ میں بھی تبدیلی کی گئی اور فلم 18 اکتوبر کے بجائے 25 اکتوبر کو سینما گھروں کی زینت بنی۔