اسٹیٹ بینک آف پاکستان کا کہنا ہے کہ حکومت نے 137 ارب روپے مالیت کے انوسٹمنٹ بانڈ نیلام کیے ہیں۔
تفصیلات کے مطابق اسٹیٹ بینک آف پاکستان کا کہنا ہے کہ حکومت کی جانب سے نیلامی میں 3، 5 اور 10 سال کے بانڈ فروخت کیے گئے ہیں۔
اسٹیٹ بینک کے مطابق تین سال کے 55 ارب مالیت کے بانڈ 11.75 کٹ آف ایلڈ پر فروخت کیے گئے ہیں، 5 سال کے 47 ارب مالیت کے بانڈ 11.19 فیصد کٹ آف ایلڈ پر فروخت ہوئے ہیں۔
اسی طرح 10 سال کے 35 ارب مالیت کے بانڈ 10.99 کٹ آف ایلڈ پر فروخت کیے گئے ہیں۔
اسٹیٹ بینک کے مطابق تین سال کے بانڈ کی کٹ آف ایلڈ 5 بیسز پوائنٹس ہوئی ہے، 5 سال کے بانڈ کی کٹ آف ایلڈ 25 اور 10 سال کی 35 بیسز پوائنٹس کم ہوئی ہے۔
دوسری جانب اسٹیٹ بینک آف پاکستان کی جانب سے بینکوں کو 19 کروڑ 26 لاکھ روپے کے جرمانے کیے گئے ہیں۔
رپورٹ کے مطابق نومبر میں مرکزی بینک نے 4 بینکوں پر جرمانہ عائد کیا ہے، جرمانہ اسٹیٹ بینک کے قوانین کی خلاف ورزی پر کیا گیا ہے۔
واضح رہے کہ مرکزی بینک جولائی 2019 سے جرمانے کی تفصیلات شائع کرتا ہے، جولائی سے نومبر تک مجموعی طور پر ایک ارب 30 کروڑ روپے کے جرمانے کیے جاچکے ہیں۔
Email This Post
تبصرے بند ہیں.