سفارتخانہ اسلامی جمہوریہ پاکستان کویت کے زیر سرپرستی پاکستان بزنس سنٹر کویت کے زیر اہتمام جمعیہ الزہرہ میں 28 جون تا 30 جون ، 2018 سالانہ پاکستانی مینگو فیسٹول 2018 منعقد کیا جا رہا ہے، جسکی تمام تیاریاں مکمل کی جا چکی ہیں۔ سفیر پاکستان غلام دستگیر 28 جون 2018 کو مینگو فیسٹول کا افتتاح کریں گے۔
پاکستان بزنس سنٹر کے ڈائریکٹر حافظ محمد شبیر نے میڈیا نمائندگان کے ہمراہ پریس کانفرنس کرتے ہوئے کہا کہ چوتھے سالانہ مینگو فیسٹول 2018 کی تمام تیاریاں مکمل کی جا چکی ہیں اور گزشتہ تینوں فیسٹول کی طرح اس مرتبہ بھی آم کی کوالٹی پر کوئی سمجھوتا نہیں کیا جائیگا اور کوشش کی جائیگی کہ آم کی رسد اور ترسیل میں کوئی کمی نہ آئے۔ تین روزہ مینگو فیسٹول کے بعد بھی عوام الناس کے لیے آم جمعیہ الزہرہ میں پورا سیزن دستیاب رہیں گے۔
Email This Post