متحدہ عرب امارات کی جانب سے پاکستانیوں کو بڑی خوش خبری سُنا دی گئی
امارات کی جانب سے کراچی میں ایشیا کا سب سے بڑا ویزہ سنٹر قائم کیا جارہا ہے
متحدہ عرب امارات کی جانب سے پاکستانی باشندوں خصوصاً کراچی والوں کے لیے شاندار خبر سُنا دی گئی ہے۔ پاکستان میں تعینات متحدہ عرب امارات کے سفیر حماد عبید الزابی نے کہا ہے کہ وہ ستمبر میں کراچی میں ویزہ سنٹر کھول رہے ہیں جو جنوبی ایشیا کے خطے میں امارات کا سب سے بڑا ویزہ سنٹر ہو گا۔ حماد الزابی نے یہ بات کراچی ایوانِ صنعت و تجارت کے دورے کے موقع پر بات کرتے ہوئے کہی۔اماراتی سفیر کے اس دورے کے موقع پر ایوانِ صنعت و تجارت کے صدر جنید اسمٰعیل مکدہ، سینئر نائب صدر خرم شہزاد، نائب صدرآصف شیخ جاوید سابق صدر سراج قاسم تیلی سمیت مینیجنگ کمیٹی کے اراکین پرمشتمل اجلاس میں یو اے ای حکام نے بھی شرکت کی۔اس موقع پر اراکین تاجر برادری کی جانب سے کی گئی شاندار میزبانی پرشکریہ کا اظہار کرتے ہوئے یو اے ای سفیر نے کہا انہوں نے پاکستان کے کئی شہروں کا دورہ کیا ہے جس میں لاہور، سیالکوٹ، پشاور، جنوبی وزیرستان، فیصل آباد اور کوئٹہ شامل ہے۔
انہوں نے دورے کے بعد اپنے جاری کردہ ایک بیان میں کہا کہ اکتوبر کے پہلے ہفتے میں اسلام آباد میں بھی ایک بڑے ویزہ سنٹر کا قیام عمل میں لایا جائے گا۔ کراچی میں عنقریب قائم کیا جانے والے ویزہ سنٹرمیں میڈیکل انشورنس، طبی معائنے اور کانٹریکٹس کے معاملات دیکھے جائیں گے۔ یہ ویزہ سنٹر کراچیکے خیابانِ شمشیر میں تعمیر کیا جائے گا اس مقصد کے لیے پُوری ٹیم متحدہ عرب امارات سے آ رہی ہے۔ حماد الزابی کے بیان میں مزید کہا گیا ہے کہ متحدہ عرب امارات میں اب 5 سال کی مدت کے لیے سلور انویسٹمنٹ ویزا اور 10 سال کی مدت کے لیے گولڈن انسوسٹمنٹ ویزا فراہم کررہی ہیں۔ مذکورہ ویزے مخصوص معیار اور کمپنی کے حجم اور سرمایہ کاری کی مالیت کی بنیاد پر جاری کیے جائیں ۔
تبصرے بند ہیں.