برطانوی ماہرین نے ایسی انوکھی جیکٹ تیار کرلی ہے جو سورج کی توانائی سے چارج ہو کر اندھیرے میں چمکتی ہے۔
ٹائم میگزین کی جانب سے سنہ 2018 کی بہترین ایجاد قرار دی جانے والی یہ جیکٹ سولر تو ہے، تاہم اس کا کام کرنے کا انداز بھی انوکھا ہے۔ یہ پودے کی طرح کام کرتی ہے یعنی سورج سے خودبخود روشنی جذب کر کے توانائی جمع کرتی ہے۔
اس جیکٹ کا بنیادی کام یہ ہے کہ یہ اندھیرے میں چمکتی ہے جس کی وجہ سے یہ رات میں کام کرنے والے افراد جیسے سرکاری اہلکار یا پولیس اہلکاروں کے لیے معاون ثابت ہوسکتی ہے جو اس جیکٹ کو پہن کر دور سے نظر آسکتے ہیں۔
اس کا ایک اور فیچر یہ بھی ہے کہ اندھیرے میں ٹارچ کی روشنی کی مدد سے اس پر کچھ لکھا بھی جاسکتا ہے۔ یعنی اگر کوئی شخص رات کے وقت کہیں پھنس جائے تو وہ اس جیکٹ پر ہیلپ کا لفظ لکھ کر دور سے لوگوں کو اپنی طرف متوجہ کرسکتا ہے۔
جیکٹ کی بیرونی تہہ کا مٹیریل فاسفورس سے تیار ایک خاص مرکب سے بنا ہے۔ اس پر روشنی پڑتی ہے تو جیکٹ اسے جذب کرتی ہے اور جگمگا اٹھتی ہے۔
اپنی نوعیت کی اس منفرد ایجاد کی ابتدائی قیمت 445 ڈالر رکھی گئی ہے۔
Email This Post
تبصرے بند ہیں.