گذشتہ ایک ہفتے کے دوران انٹر بینک میں روپے کے مقابلے ڈالر کی قدر بڑھ گئی

گذشتہ ایک ہفتے کے دوران انٹر بینک میں روپے کے مقابلے ڈالر کی قدر بڑھ گئی تاہم مقامی اوپن کرنسی مارکیٹ میں ڈالر کی قدر میں کمی کا رجحان رہا ۔فاریکس ایسوسی ایشن کے مطابق زیرہ تبصرہ مدت میں انٹر بینک میں روپے کے مقابلے ڈالر کی قدر میں18پیسے کا اضافہ ریکارڈ کیا گیا جبکہ مقامی اوپن کرنسی مارکیٹ میں ڈالر کی قدر میں10پیسے کی کمی ریکارڈ کی گئی ۔فاریکس رپورٹ کے مطابق یورو اور برطانوی پونڈ کی قدرمیں بالترتیب20پیسے اور1.20روپے کی نمایاں کمی ریکارڈ کی گئی ۔فاریکس ایسوسی ایشن کے مطابق گذشتہ روز مقامی اوپن کرنسی مارکیٹ میں روپے کے مقابلے ڈالر کی قیمت خرید 155.80روپے اور قیمت فروخت156.10روپے پر برقرار رہی تاہم یورو کی قدر میں50پیسے کی کمی واقع ہوئی جس سے یورو کی قیمت خرید 172.50روپے سے کم ہو کر172روپے اور قیمت فروخت174.50روپے سے کم ہو کر174روپے پر آ گئی اسی طرح 20پیسے کی کمی سے برطانوی پونڈ کی قیمت خرید 199.20روپے سے گھٹ کر199روپے اور قیمت فروخت201.20روپے سے گھٹ کر201روپے ہو گئی ۔