چین میں سالانہ ایئر شو کا انعقاد

چین میں سالانہ ایئر شو کا انعقاد کیا گیا، جس میں ہوا بازی کے شعبے سے تعلق رکھنے والے ماہر پائلٹس نے اپنے فن کا بھرپور مظاہرہ کر کے دیکھنے والوں کو دنگ کردیا۔

چین کے صوبے جیلین کے شہر چینگ چون میں منعقد ہونے والے اس ایئر شو میں چین سے تعلق رکھنے والے ہوا بازوں نے حصہ لیا اور جیٹ طیارے اور ہیلی کاپٹر اُڑاتے ہوئے ایسے حیرت انگیز کرتب دکھائے کہ شائقین بھی تعریف کئے بنا رہ نہ سکے۔

اس دوران پیراشوٹ جمپنگ کا بھی شاندار مظاہرہ کیا گیا۔

ہر سال کی طرح اس سال بھی منعقد کئے گئے اس ایئر شو میں بڑی تعداد میں عوام نے شرکت کی اور خوب انجوائے کیا جبکہ آسمان پر اُڑتے بل کھاتے جہازوں کو دیکھ کر بچے بھی بے حد لطف اندوز ہوئے۔