وزیراعلیٰ پنجاب سردارعثمان بزدار کا کہنا ہے کہ میانوالی میں سرگودھا یونیورسٹی کے کیمپس کواپ گریڈ کرکے یونیورسٹی کا درجہ دیں گے۔
تفصیلات کے مطابق وزیراعلیٰ پنجاب سردار عثمان بزدار نے میانوالی میں ترقیاتی پروگراموں کے جائزے سے متعلق اجلاس کی صدارت کی۔
سردار عثمان بزدار نے اجلاس کے دوران میانوالی میں سرگودھا یونیورسٹی کا کیمپس اپ گریڈ کرنے کا اعلان کرتے ہوئے کہا کہ کیمپس کو اپ گریڈ کرکے یونیورسٹی کا درجہ دیں گے۔
وزیراعلیٰ پنجاب نے کہا کہ میانوالی میں جدید ٹرانسپورٹ کا جدید نظام متعارف کرائیں گے، پسماندہ علاقوں کی ترقی پرخصوصی توجہ دے رہے ہیں۔
انہوں نے سنگال روڈ کی توسیع اور مرمت کے منصوبے کی انکوائری کے ساتھ میانوالی میں واٹر سپلائی اسکیموں کومکمل کرنے کی ہدایت بھی کی۔
سردار عثمان بزدار نے نالہ بروچ کا رخ بدلنے کے معاملے کی انکوائری وزیراعلیٰ معائنہ ٹیم سے کرانے کی بھی ہدایت کی۔
وزیراعلیٰ پنجاب کی زیرصدارت امن وامان کی صورت حال سے متعلق بھی اجلاس ہوگا، اس حوالے سے ڈویژن محکموں کے سربراہان کو بھی طلب کرلیا گیا ہے۔
ذرائع کے مطابق سردار عثمان بزدار 100 بیڈ پرمشتمل زچہ بچہ اسپتال کی تعمیراور وزیراعظم پاکستان کی 27 جنوری کے دورہ پر 5 ارب کے منصوبے کے سنگ بنیاد پلان کا جائزہ لیں گے۔
وزیراعلیٰ پنجاب ڈسٹرکٹ بار ایسوسی ایشن میانوالی کے وفد سمیت تحریک انصاف کے عہدیداروں اور کارکنوں سے ملاقات کریں گے۔
یاد رہے کہ دو روز قبل ملتان میں سردار عثمان بزدار کا کہنا تھا کہ جنوبی پنجاب کی پسماندگی دور کرنے کے لیے علیحدہ سب سیکرٹریٹ قائم کیا جا رہا ہے، اس سیکرٹریٹ میں ایڈیشنل چیف سیکرٹری ، ایڈیشنل آئی جی اور مختلف محکموں کے سیکرٹریز تعینات کیے جائیں گے۔
وزیراعلیٰ پنجاب کا کہنا تھا کہ پینے کے صاف پانی کے لیے تونسہ شریف میں 63 نئے منصوبے شروع کیے جا رہے ہیں۔ تونسہ شریف میں سیوریج کے لیے 50 کروڑ روپے مختص کیے گئے ہیں۔
Email This Post
Engage in strategic gameplay and outsmart your opponents Lucky cola