گزشتہ ہفتے پاکستان اسٹاک ایکسچینج میں تیزی کا رجحان رہا، 100 انڈیکس میں اضافہ جبکہ ڈالر کی قیمت میں کمی دیکھنے میں آئی۔
تفصیلات کے مطابق پاکستان اسٹاک ایکسچینج میں جنوری کے چوتھے ہفتے مسلسل تیزی کا رجحان رہا۔ ایک ہفتے میں 100 انڈیکس میں 958 پوائنٹس کی تیزی دیکھی گئی۔
مارکیٹ کی ہفتہ وار رپورٹ کے مطابق ایک ہفتے میں 100 انڈیکس 2.48 فیصد اضافے سے 40 ہزار 2 سو 65 کی سطح پر بند ہوا۔ گزشتہ ہفتے شئیرز کی قیمت بڑھنے سے مارکیٹ کپیٹلائزیشن میں 125 ارب روپے کا اضافہ بھی ہوا۔
رپورٹ کے مطابق مارکیٹ کپیٹلائزیشن 7 ہزار 9 سو 26 ارب سے بڑھ کر 8 ہزار 51 ارب روپے ہوگئی۔
مارکیٹ کے تجزیہ کاروں کا کہنا ہے کہ گزشتہ ہفتے پیش کیے جانے والے اکنامک ریفارم پیکج میں ٹیکسٹائل، آٹو سیکٹر اور اسٹاک مارکیٹ کے لیے مراعات کا اعلان کیا گیا جبکہ اسی ہفتے سعودی عرب کے بیل آؤٹ کی پیکج تیسری ایک ارب ڈالر کی قسط بھی موصول ہوئی جس سے مارکیٹ پر مثبت اثر پڑا۔
گزشتہ ہفتے روپے کی قدر میں بھی 5 پیسے کا اضافہ ہوا، ایک ہفتے میں انٹر بینک میں ڈالر 138.83 سے کم ہو کر 138.78 روپے کا ہوگیا۔
Email This Post
Discover new lands, uncover ancient secrets, and become a legend Lucky cola
Join forces with other players to tackle world-changing events. Lucky Cola
Engage in epic quests and legendary battles! Hawkplay