وفاقی وزیر خزانہ اسد عمر نے کہا ہے کہ ملائیشیا نے جے ایف 17 طیاروں کی خریداری میں دلچسپی ظاہر کی ہے۔
اسد عمر نے میڈیا سے گفتگو میں کہا کہ پاکستان اور ملائیشیا نے پانچ بڑے منصوبوں کی مفاہمتی یاداشتوں پر بھی دستخط کئے ہیں اور دونوں ممالک نے بینکوں کی شاخیں کھولنے پر بھی اتفاق کیا ہے ۔
ان کا کہنا تھا کہ ملائیشیا کو پاکستان کی دفاعی نمائش میں شرکت کی دعوت دی ہے،پاکستان دفاعی نمائش میں جےایف 17 طیاروں کی نمائش کرے گا۔
اسد عمر نے مزید کہا کہ ملائیشیا نے پاکستان سےحلال گوشت اور چاول خریدنے میں بھی دلچسپی کا اظہار کیا ہے۔
وفاقی وزیر خزانہ نے یہ بھی کہا کہ پاکستان ملائیشیا کو ٹینک شکن میزائل برآمد کر نے کے معاہدہ پر جلد عمل کرے گا۔
انہوں نے کہا کہ دونوں ممالک کے مابین بینکوں کی شاخیں کھولنے پر بھی اتفاق ہوا ہے،پاکستان سیاحت کےشعبہ میں ملائشیا کے تجربات سے مستفید ہو گا۔
Email This Post
تبصرے بند ہیں.