آکسفورڈ یونیورسٹی کا راحت فتح علی خان کو اعزازی ڈگری دینے کا اعلان
آکسفورڈ یونیورسٹی رواں سال 8 افراد کو اعزازی ڈگری دیگی جس میں پاکستان کے عالمی شہرت یافتہ گلوکار راحت فتح علی خان کا نام بھی شامل ہے۔
ہندوستان ٹائمز کی رپورٹ کے مطابق لندن میں انکائینیا کے نام سے ہونے والی اس سالانہ تقریب میں گلوکار یونیورسٹی کی جانب سے اعزازی ڈگری حاصل کریں گے۔
یونیورسٹی کی جانب سے راحت فتح علی خان کا تعارف ’صوفیانہ موسیقی قوالی کے پاکستانی گلوکار ‘کے طور پر کیا گیا ۔
راحت فتح علی خان سات سال کی عمر میں اپنی باقاعدہ تربیت کا آغاز کیا اور اب تک وہ 50 سے زائد البم ریلیز کرچکے ہیں۔
یونیورسٹی نے تعارف میں لکھا کہ راحت فتح علی خان نے ٹیلی ویژن سیریلز کے 50 سے زائد ٹائٹل ٹریک گائے اور وہ ہالی ووڈ اور بالی ووڈ دونوں میں 100 سے زائد فلموں کے گیت گا چکے ہیں۔
برطانیہ کی آکسفورڈ یونیورسٹی کی جانب سے اعزازی ڈگری دینے کی تقریب 26 جون کو ہوگی۔
Email This Post
تبصرے بند ہیں.