پنجاب اور خیبر پختونخوا سے تعلق رکھنے والی خواتین کرکٹرز نے نیشنل کرکٹ اکیڈمی (این سی اے) میں امریکی فنڈنگ سے منعقدہ دو روزہ کرکٹ ورکشاپ میں شرکت کی جس کا مقصد کھلاڑیوں میں قیادت کی صلاحیتوں کو اجاگر کرنا اور صحت مند طرز زندگی کی حوصلہ افزائی کرنا تھا۔
امریکی قونصل جنرل کولین کرینولگی نے کرکٹ کیمپ میں کرکٹ بورڈ کے نمائندوں، پشاور زلمی فاؤنڈیشن کے اراکین اور بین الاقوامی کرکٹرز کیساتھ کیمپ میں شمولیت کی اور اس موقع پر ان کا کہنا تھا کہ ’یہ طالبات اب زندگی کی مشکلات سے نبرد آزما ہونے کیلئے بہتر طور پر تیار ہیں اور اپنے خاندانوں، سماجی اکایوں اور اپنے ملک کی قیادت کا کردار ادا کر سکتی ہیں۔ خیبر پختونخوا سے تعلق رکھنے والی کئی بچیاں پہلی مرتبہ لاہور آئی ہیں اور یہاں انہوں نے نئے دوست بنائے ہیں، امید ہے کہ یہ دوستیاں قائم رہیں گی۔‘
مذکورہ کیمپ میں شریک ہونے والوں کو پاکستان کے بہترین کرکٹ کوچز نے تربیت کی اور طالبات نے کئی میچ کھیلنے کے علاوہ ٹیم بلڈنگ، لیڈرشپ اور کمیونی کیشن ورکشاپس میں حصہ لیا جبکہ کھلاڑیوں نے ماہرین اور اتھلیٹس سے گفتگو کی اورکھیلوں کے مثبت اثرات بارے آگاہی بھی حاصل کی۔
Email This Post
تبصرے بند ہیں.