چین کے سینٹرل ملٹری کمیشن کے وائس چیئرمین، جنرل ژوچیلیانگ نے منگل کو ایئر ہیڈ کوارٹرز اسلام آباد کا دورہ کیا۔
ایئر ہیڈ کوارٹر اسلام آباد آمد پر پاک فضائیہ کے سربراہ ایئرچیف مارشل مجاہد انور خان نے معزز مہمان کا استقبال کیا اور پاک فضائیہ کے چاق و چوبند دستے نے معزز مہمان کو سلامی دی۔
معزز مہمان نے پاک فضائیہ کے شہداء کو خراجِ عقیدت پیش کیا اور یادگارِ شہداء پرپھولوں کی چادر چڑھائی۔
بعد ازاں معزز مہمان نے پاک فضائیہ کے سربراہ سے ان کے آفس میں ملاقات کی۔
دونوں رہنماؤں نے باہمی تعاون، پیشہ ورانہ دلچسپی کے امور اورخطے میں سیکیورٹی کی موجودہ صورتحال پر تبادلہ خیال کیا۔
دونوں رہنماؤں نے پاک فضائیہ اور چینی فضائیہ کے قابلِ رشک باہمی تعاون پر اطمینان کا اظہار کر تے ہوئے اسے نئی بلندیوں تک لے جانے کے عزم کا اعادہ کیا۔
Email This Post
تبصرے بند ہیں.