قائد حزب اختلاف شہبازشریف کی چین کے قومی دن پر مبارکباد ،

پاکستان مسلم لیگ (ن) کے صدر اور قائد حزب اختلاف شہبازشریف نے چین کے قومی دن پر مبارکباد پیش کرتے ہوئے چین کی ترقی اور خوشحالی کے لئے نیک خواہشات کا اظہار کیا ہے۔ پیر کو چین کے قومی دن کے موقع پر اپنے تہنیتی پیغام میں چینی صدر صدر شی جن پنگ، وزیر اعظم لی کی چیانگ، حکومت اور عوام کے نام پیغام میں چین کے قومی دن کے موقع پر مبارک پیش۔انہوں نے کہا کہ آج کے دن چئیرمین ماوزے تنگ سمیت عوامی انقلاب کے دیگر رہنماوں کو خراج عقیدت پیش کرتے ہیں۔ آج کا دن چینی عوام کی عظیم جدوجہد اور قربانیوں کی یاد دلاتا ہے۔ چین کے عوام اور قیادت نے انتہائی تدبر، محنت اور تسلسل سے اقوام عالم میں اپنا مقام حاصل کیا۔

چین کی ترقی اور غربت سے نجات دنیا میں ایک مثال بن کر ابھری ہے ۔ مخلص اور بصیرت افروز قیادت میں چینی عوام نے محنت اور تسلسل سے سفر جاری رکھا۔

شہباز شریف نے کہا کہ چین کی ترقی غریب اور ترقی پزیر عوام کے لئے ایک پیغام اور سبق ہے ۔پاکستان اور چین دو عظیم اور بااعتماد دوست ہیںپاکستان اور چین کی دوستی دونوں ممالک کے عوام کے درمیان ہے پاکستان کے عوام چین کے عوام کو ان کے قومی دن پر خیرسگالی کا پیغام دیتے ہیں۔ انہوں نے کہا کہ پاکستان اور چین مل کر خطے اور دنیا میں تعمیر، ترقی، خوشحالی اور امن کا نیا باب لکھ سکتے ہیں ہماری دعا ہے کہ چین اوراس کے عوام آنے والے ماہ وسال میں ترقی کی مزید منازل حاصل کریں۔