سنسر شپ کا مقابلہ کرنے کے لیے بی بی سی نے اپنی نشریات ڈارک ویب پر شروع کر دی

بی بی سی نے سنسر شپ کا مقابلہ کرنے کے لیے اپنی  نیوز  ویب سائٹ کا ڈاٹ اونین مرر جاری کیا ہے۔اس سائٹ کو ٹور براؤزر سے وزٹ کیا جا سکے گا۔اس نئی ویب سائٹ کو ٹور براؤزر پر bbcnewsv2vjtpsuy.onion پر وزٹ کر کے دیکھا جا سکے گا۔ اس طرح ویب سائٹ وزٹ کرنے والے حکومتی نگرانی سے بچ کر بی بی سی کی خبروں کو سن سکیں گے۔

ماضی میں کئی ممالک جیسے چین، ایران اور ویتنام بی بی بی نیوز پر پابندی لگا چکے ہیں۔

اس مرر سائٹ سے ان ممالک میں رہنے والے لوگ بھی بی بی سی نیوز تک رسائی حاصل کر سکیں گے۔ ڈارک نیٹ پر بی بی سی نیوز کا انٹرنیشنل ورژن پیش کیا جائے گا۔
ڈارک ویب کو جہاں دنیا بھر کے مجرم استعمال کرتے ہیں، وہیں اس سے صحافی، وکلا اور انسانی حقوق کے لیے کام کرنے والے بھی استعمال کرتے ہیں تاکہ حکومتی نگرانی سے بچ کر اپنا کام کیا جا سکے۔