پاک بحریہ کا اورماڑہ کے قریب سمندر میں انٹیلی جنس کی بنیاد پر اینٹی نارکوٹکس آپریشن کیا گیا۔
ترجمان پاک بحریہ کے مطابق پاک بحریہ کی جانب سے اورماڑہ کے قریب سمندر میں انٹیلی جنس کی بنیاد پر اینٹی نارکوٹکس آپریشن کیا گیا، آپریشن کے دوران 2.5 ارب سے زائد مالیت کی تقریباََ 1000 کلو گرام حشیش قبضے میں لی گئی۔
ترجمان پاک بحریہ کے مطابق یہ پیچیدہ آپریشن مستقل نگرانی، اینٹی نارکوٹکس فورس کے باہمی تعاون اور اینٹلی جنس کی بنیاد پرکیا گیا۔مزید کاروائی کے لئے حشیش اینٹی نار کوٹکس فورس کے حوالے کر دی گئی۔
ترجمان پاک بحریہ کا کہنا ہے کہ یہ آپریشن پاکستان نیوی کے سمندری حدود کی نگرانی میں سر گرم رہنے کی بھر پور عکاسی کرتا ہے۔
پاک بحریہ اپنی قومی ذمہ داریوں کو پورا کرنے اور بحر ہند میں قانون کی بالادستی قائم رکھنے کی لئے پر عزم ہے۔
Email This Post
تبصرے بند ہیں.