اقوام متحدہ میں وزیراعظم عمران خان کی تقریر لیکن دراصل اس تقریر کے پوائنٹس کس نے ترتیب دیئے تھے؟بالآخر نام سامنے آگیا
اقوام متحدہ کی جنرل اسمبلی میں عمران خان کی تقریر کو تمام مبصرین اور سابق سفارتکار ایک بہترین نمونہ قرار دے رہے ہیں،سماجی رابطوں کی ویب سائٹ پر بھی عمران خان کی تقریر کو کافی پذیرائی مل رہی ہے اور اسے کشمیریوں کی صحیح ترجمانی قرار دیا جا رہا ہے۔تمام تعریفوں کے ساتھ ایک سوال بھی گردش کر رہا ہے کہ محصورکن، پر اثر اور سحرانگیز تقریر لکھی کس نے ہے؟
نجی ٹی وی ہم نیوز نے ذرائع کے حوالے سے کہا ہے کہ وزیراعظم عمران خان پاکستان سے جو تقریر لے کر گئے اسے وہاں پاکستانی مشن میں موجودہ ایک ہونہار نوجوان ذوالقرنین نے ترمیم کر کے دوبارہ تیار کیا۔ذوالقرنین نہ صرف پاکستان کےلئے خدمات انجام دیتے ہیں بلکہ اقوام متحدہ کے جنرل سیکرٹری کو بھی تقریریں لکھ کر دیتے ہیں۔ذرائع کا کہنا ہے کہ وزیراعظم پاکستان نے سات دن میں نہ صرف 70 سے زائد سربراہان سے ملاقاتیں کیں بلکہ وہ مسلسل تقریر کی ریہرسل بھی کرتے رہے۔
واضح رہے کہ وزیراعظم عمران خان نے اقوام متحدہ کی جنرل اسمبلی میں فی البدیہہ تقریر کی تاہم وزیراعظم نے تقریر کے پوائنٹس کو کاغذ پر ترتیب دیا ہوا تھا،وزیراعظم عمران خان کی تقریر کے دوران شرکا پانچ بارتالیاں بجانے پر مجبور ہوئے اور ایسا امریکی صدر کی تقریر کے دوران بھی نہیں ہوتا۔
Email This Post
تبصرے بند ہیں.