آج سے شاپنگ مالز، ریسٹورنٹس، الیکٹرانکس، کپڑے، فرنیچر کی مارکیٹیں بند

 شہر قائد میں آج سے شاپنگ مالز، ریسٹورنٹس، الیکٹرانکس، کپڑے، فرنیچر کی مارکیٹیں بند کر دی گئیں، کمشنر کراچی نے نوٹیفکیشن جاری کر دیا۔

تفصیلات کے مطابق آج (بدھ) سے کراچی میں ریسٹور نٹ، شاپنگ مالز، سینٹرز، مار کیٹیں، الیکٹرانکس مارکیٹس، آٹو پارٹس، کپڑے کی دکانیں، اور فرنیچر مارکیٹس 15 دن تک بند ہوں گی۔

کمشنر کراچی افتخار شالوانی کی جانب سے جاری نوٹیفکیشن کے مطابق ادویات کے اسٹورز، پھلوں، سبزیوں، گوشت، دودھ اور اشیا خور و نوش کی دکانیں اس پابندی سے مستثنیٰ ہوں گی، جب کہ چائے ہوٹل، سی ویو، پارکس بند ہوں گی.

نوٹیفکیشن کے مطابق سبزی، مچھلی مارکیٹ، سپر مارکیٹس، کھانے کے ہوٹل، فروٹ مارکیٹ، گوشت، مرغی کی دکانیں، میڈیکل اسٹورز، دودھ کی دکانیں 24 گھنٹے کھلی رہیں گی۔ شہری ہوم ڈلیوری پر بھی سامان اور کھانا منگوا سکتے ہیں۔

خیال رہے کہ پیپلز پارٹی رہنما سعید غنی کہتے ہیں کرونا وائرس سے متاثرین کی تعداد پر کلئیر پالیسی ہے، وہ اور صوبے ہوں گے جہاں متاثرین کے بارےمیں کنفیوژن ہے۔ سندھ میں متاثرہ افراد کی تعداد 172 ہے، 18 افراد میں لوکل ٹرانسفر ہوا، مرکز اور سندھ کے کام کے طریقہ کار میں فرق ہے، متاثرہ محنت کشوں کے لیے حکومت نے 3 ارب روپے کا فنڈ قائم کر دیا ہے۔