قومی اسمبلی میں قائد حزب اختلاف شہباز شریف نے چیف الیکشن کمشنرکے لیے تین نام تجویز کر دیے۔
تفصیلات کے مطابق لیڈر آف اپوزیشن میاں شہباز شریف نے وزیراعظم عمران خان کو خط لکھا ہے جس میں انہوں نے چیف الیکشن کمشنرکے لیے تین نام تجویز کیے ہیں۔
قائد حزب اختلاف شہباز شریف کی جانب سے لکھے گئے خط میں ناصرمحمود کھوسہ،اخلاق احمد تارڑ اور عرفان قادر کے نام تجویز کیے گئے ہیں۔
خیال رہے کہ گزشتہ ہفتے وزیراعظم عمران خان نے لیڈر آف اپوزیشن میاں شہباز شریف کو خط لکھا تھا جس میں چیف الیکشن کمشنر کے لیے 3 نام تجویز کیے تھے۔
وزیراعظم کی جانب سے لکھے گئے خط میں 3 سابق وفاقی سیکرٹریوں کے نام چیف الیکشن کمشنر کے لیے تجویز کیے گئے تھے۔ تجویز کردہ ناموں میں جمیل احمد، فضل عباس، سکندرسلطان راجہ شامل تھے۔
خط میں وزیراعظم عمران خان کا کہنا تھا کہ با معنی مذاکرات کے لیے آپ کو خط لکھ رہا ہوں، چیف الیکشن کمشنر کی تعیناتی کا عرصہ، زیر التوامعاملہ حل کرنا چاہتا ہوں، آپ کو ازسرنو تشکیل کیا گیا پینل بھیج رہا ہوں۔
Email This Post
تبصرے بند ہیں.